Main, Hindustani


Janmatithi Saptah Vishesh

Maxmayur blog ki aaj pehli warsha gath hai. To maine socha is mauke par kyun na kuchh aisa likha jaye jo pramanik bhi ho aur wastavik bhi. Par aisa to kuchh muze sujh nahi raha tha. Main phir se soch mein pad gaya. Aur isi soch soch mein ye socha ki kyun na bhasha par hi kuchh likha jaye… apni matrubhasha par. Marathi bhasha evam sabhyata ke swayam prachalit sanrakshak kahi is baat pe aakshhep na uthaye isliye pehle hi keh deta hu. Marathi meri utni hi matrubhasha hai jitni ki Hindi hai. Par mere pathakon ki vibhinnata ko dhyan me rakhte hue main Hindi mein likh raha hu, jo sab ko samajh aati hai. (Maaf kijiye, wordpress mein dev nagari lipi ka prabandh abhi tak kiya nahi gaya hai.)

Chaliye aage badhte hai. Main jaanta hu ki aapko padhne mein pareshani ho rahi hai. Magar main bhi vivash hu. Meri Hindi utni hi durust hai jitni English ya Marathi. Magar main ye jatane ki koshish nahi kar raha hu. Main bas aapko bhasha ka aur apne desh ka sanman yaad dilana chahata hu. Muze vishwaas hai shayad aapme se kayee yahi sochte hai ke isse kya farak padta hai. Shayad aapme se kuchh log shaadi shuda hai, aapke choote bachche hai aur usne aap English mein baat karte ho. Aur koi mere jaisa puchhe to aap unse kehte ho ki ye naya jamana hai. Aaj kal bachcho ko English sikhana jaroori hai. Main maanta hu ki kahi na kahi ye baat sahi hai. Par aap apni Bhartiya sabhyata ko daav par laga kar ‘Modern’ banne ki naam par aap badi kimat chuka rahe hai. Jara sochiye, kya  aap nahi chahate ki aapka bachcha apni dharm ka sanman kare? Muze yaad hai, jab main bada ho raha tha to maine TV par Ramayan, Mahabharat, Mickey Mouse, Duck Tales aur Jungle Book jaise karyakramo ka maja liya hai aur usse apne mann ko rijhaya hai. Magar aaj kal ke bachche MTV Roadies aur Nachh Baliye jaise karyakramo ka maja le rahe hai aur apne aap ki unke kirdaaron si tulna kar rahe hai. Ab ye aap ko sochna hai ki ye kitna sahi hai aur kitna galat.

Kuchh din pehle ki baat hai. Mera duur ka ek rishtedar mujhse Mumbai milne aaya tha. Use ek jaroori baat pe salah mashuhara karna tha. Wo pichhle kayee mahino se vidhesh jaane ki koshish mein laga hai. Use lagta hai ki yahan ki zindagi uske liye nahi hai. Waha mauj masti hai, aishoaaram hai, paisa hai aur wo sab kuchh hai jo wo chahata hai. Wo aisa sochne wala akela ladka nahi hai. Aaj kal ke yuva shayad yahi sochte hai, mere alawa. Ye apna apna vichar hai aur main ise galat nahi maanunga. Shayad inme se kuchh log aise hai jo desh ke bahar reh kar desh ke liye kaam karna chahate hai. Mujhe aise logon se koi aapatti nahi hai. Aur kyun rahe? bhai apni zindagi hai, jo jaise chahe bita sakta hai. Par phir koi muzse ye na kahe ki uska desh uske liye kuchh nahi kar raha. Aaj kya nahi hai humare desh mein? Har koi aaj humari shaktiyon ka praman de raha hai. Aur phir jara ye bhi to socho, 10 karod ki aabadi ko sambhalna aur 120 karod ki aabadi ko sambhalne me kuchh to antar hota hai na? Agar himmat hai kisi vidheshi mein to chala kar dikhaye saari suvidhayen.

Aaj America par aarthik samasya ke baadal mandara rahe hai to humare bhi pair dagmaga rahe hai. Lekin kahi na kahi humne apna paath padh liya hai. Ab ye saari duniya ne bhi maana hai ki hum kamjor nahi rahe. Humne duniya ko dikha diya hai ki humari aarthik vyavastha aur bhavishya ki pariyojna unse behtar hai. Hum aage badh rahe hai. Log dekh rahe hai. Yeh baat agar hum jaise yuva bhi samajh le to desh ki unnati ke liye isse se behtar aur kuchh nahi hai.

Agar meri baat kisi ko buri lagi ho to maaf kijiyega. Jai Hind!

Advertisements

9 thoughts on “Main, Hindustani

  1. Sanskaar,Sabhyata aur Sanskriti- har bharitya nagrik key jeevan mein mahtvapooran hein.jo inki mulyata or mahatv pechantey hein woh hamesha inko saath lekar aagey badhtey hein. Apney desh sey alag ho kar agar kisi ko lagta hai who taraki key rastey par hein, toh mein usey sahmat nahin hoon. Hamarey desh mein unatii key utney hi afsar hain jitney ki duniya key kisi aur desh mein.

    Videsh jakar apney desh ki pechaan wahan ki sabhayata sey karvana ek alag baat hai par wahan jakar unmey sey ek banney ki koshish mein apni pechaan khona, galat!

    Mujhey garv hai ki mein bhartiye hoon!

    Mayur- tumahri is koshish or soch sey mein 100 pratishat sahmat hoon. Blog ki pheli vaarshganth paar dher saari shubh kamnayein

  2. Dhanyavaad. Mujhe khushi hai ki mere vichaaron ka aap aadar karte ho aur usse sehmat bhi ho. Waise aap apne vichaar yaha English mein bhi vyaqta kar sakte hai. Hindi ka prayog ichchit hai par jaroori nahi.

  3. Mayur Ji,

    Namaste,

    Aapka lekh pad kar dil ko hardik prasantta hui.Mei dil se aap jaise desh bhakto ka sammaan karti hu joh aaj ke zamane me bhi apni matrabhasha ko nahin bhulte aur usko mahatwa dete hain.

    Agar apne jeewan ko ek vraksh samjha jaye to humari sanskriti woh mitti hai jispe vriksh khada hai,humare sanskaar jaden hai aur humari bhasha woh tana hai jisse sanskaar humare andar pahuchte hai jis prakar tane se ho kar jal- mitti aadi vriksh ke har bhaag tak pahuchta hai usi prakar bhasha ke madhyam se hi har gun ,avgun ,har bhav humare andar pahuchta hai…

    Humare desh me har rajya ki ek alag bhasha aur sabhyata hai..har koi khud ko,apne logon ko ,apni bhaha ko mahatva deta hai aage badana chahta hai..joh ki sahi bhi hain.
    Agar hum apno ko aage na badaye to kaun badayega lekin aage badne ki daud me hum desh ko peeche na chod jaye bus yehi kamna har bhartiya ke mann me aani chahiye.Desh ek gaadi hai agar teen pahiye aage bad gaye aur ek bhi peeche choota toh gadi aage na bad payegi.Apno ka saath dete hue kissi aur se irsha na rakhna aaj har bhartiya ka farz hai…

    Aaj mayur ji ke blog ki pehli varshgaath par mei unka abhinandan karti hu..aur yeh apeksha karti hu ki woh aage bhi is tarah ke lekh likhe joh ki desh aur samaj dono ke hi hit me ho.

    Ek safal aur Majboot hindustan ki kamna karte hue

    Dhanyawaad

  4. Hi,

    I don’t remember when I started reading the post but I just know that it took me hell lot of time to complete reading that. If it wasn’t about the being a hindustani I wouldn’t have gone through the whole post. Reading hindi in English is some task.. Phew!!

    It really annoys me too when I see somebody speaking to their kids in English. I believe that we are losing out a lot by not speaking in our respective mother tongue. Language is the window to the world of our tradition, values and ideas. And speaking in mother tongue definitely does not mean kids wont learn English. Most of the people of our times have grown up with bilingual education, haven’t we? In my case it was trilingual: English,Kannada and Hindi.

    It is indeed sad that MTV and Nach Baliye have taken the place of Ramayan and Jungle Book. These programmes influence kid’s value system too. But this change in value system these days is a global problem and not just Indian.

    I was under the impression the foreign craze is long gone. Didn’t know people still believe a Utopia out there. Esp considering the recent economic condition of the US and the racist attacks in Australia and Europe has never been very open to Asians.

    India is progressing and to the responsibility of its growth lies with each one of us. I hope your Jaago re message reaches lot more people. Jai Hind!!

  5. kya ye samay abhi bhi messages bhejne tak simit hai,ya fir hum hindustani tak hi, baolne ka nahi ye kuch kar gujarne ka wqat haI. AAO KOI NAI MISHAL KHADI KARE……KYA HUM BHI KUCH KAR SKTE HAI?

    PINAKIN

    • Aap sabke wicharon ke liye dhanyawaad. Hum sab milkar bilkul kuchh kar sakte hai. Sabse pehle chalo apni apni zindagiyon mein sudhar laye taaki hum auron ko ye baat keh sake

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s